“O‘zbekiston pochtasi” AJ tomonidan 2019-yil 1-fevraldan O‘zbekiston Respublikasi Axborot texnologiyalari va kommunikatsiyalarini rivojlantirish vazirligi tomonidan “Metro stansiyalari” turkumidagi pochta markasi muomalaga kiritildi.
Pochta markasi pochta bloki shaklida chiqarilgan. Pochta markasida Toshkent metrosining O‘zbekiston yo‘nalishida joylashgan Alisher Navoiy metro bekati tasvirlangan. Yer osti va yer vestibyulli ustun tipidagi stansiya. Oʻzbek shoiri Alisher Navoiy nomi bilan atalgan va 1984 yil 8 dekabrda foydalanishga topshirilgan.
Pochta blokining pastki qismida lotin alifbosida o‘zbek tilida “Toshkent metrosi” degan yozuv joylashgan.