“O‘zbekiston pochtasi” AJ tomonidan O‘zbekiston Respublikasi Axborot texnologiyalari va kommunikatsiyalarini rivojlantirish vazirligi tomonidan 2021-yil 20-oktabrdan “Aloqa sohasida mintaqaviy hamdo‘stlik tashkil etilganining 30 yilligiga bag‘ishlab maxsus chiqarilgan pochta markasi” muomalaga kiritildi.

Pochta markasi pochta bloki shaklida chiqarilgan. Pochta blokining hoshiyalarida Toshkent teleminorasi, telekommunikatsiya sohasidagi zamonaviy texnologiyalarning rivojlanishi, shuningdek, pochta konvertlari tasvirlangan. Markada RCC logotipi mavjud.

Pochta blokida davlat tilida “Aloqa sohasida mintaqaviy hamdo‘stlikka 30 yil” degan yozuv bor.