Toshkent hayvonot bog'i 22,7 gektar maydonni egallaydi. Ayni paytda Toshkent hayvonot bog'ida 600 turdagi uch mingdan ortiq hayvon va qushlar mavjud. Toshkent zoologiya bog‘ida 10 dan ortiq hayvonlar ko‘rgazmalari ochilgan – “Akvarium”, “Terrarium”, “Primatlar”, “To‘tiqushlar”, “Qushlar”, “Yirtqichlar”, “Suv qushlari”, “Tuyoqlilar”, “Umurtqasizlar”, "Kichik" sutemizuvchilar", "Vivarium", "Hayvonlar ko'paytirish pitomnigi", "Kontakt hayvonot bog'i", "Kapalaklar uyi". 

“O‘zbekiston pochtasi” AJ tomonidan tayyorlanib, O‘zbekiston Respublikasi Raqamli  texnologiyalar vazirligi tomonidan 2023-yil 15-dekabrdan “Toshkent hayvonot bog‘i” turkumi muomalaga kiritildi.

Turkum 4 ta pochta markasidan iborat. Pochta markalarida Toshkent hayvonot bog‘ida yashovchi hayvonlar tasvirlangan. Hayvonlarning nomlari lotin tilida berilgan. Pochta markalarida Toshkent hayvonot bog‘ining logotipi joylashgan. 

Pochta markalar bir necha rangda ishlangan, UVI+UV-lak bilan qoplangan. Ofset usulida bosilgan. Perforatsiyasi ramkali. Qog‘ozi oq silliq.Pochta markalarning o‘lchami 52x37mm. Rasmlar muallifi – Kim G., markalar dizayneri – Mingirov V. Pochta markalarning adadi 2 ming nusxadan.

Identifikatsiya raqamlari berilgan va nominallar o‘rnatilgan.